Sri Kattuveera Angineyar Temple

🙏🙏கோரிக்கைகளை நிறைவேற்றும் ஸ்ரீ காட்டுவீர ஆஞ்சநேயர் ஆலயம்..! 🙏🙏
🙏விஜயநகரப் பேரரசின் மன்னன் கிருஷ்ண தேவராயரின்
நல்லாட்சியின் கீழ் கிருஷ்ணகிரி பல சைவ,
வைணவ கோயில்களைக் கொண்டு விளங்கியது.

🙏அப்போது கல் பாறைகளிலெல்லாம் ஆஞ்சநேயரின் வீரம் ததும்பும் உருவங்கள் செதுக்கப்பட்டன..அப்படி கற்பாறை மீது செதுக்கப்பட்ட ஓரு உருவத்திற்கு எழுப்பப்பட்டதே ஸ்ரீ  காட்டுவீர ஆஞ்சநேயர் திருக்கோயில்.

🙏ஆஞ்சநேயர் சிறுவயதில் கானகத்தில் வளர்ந்ததாலும், இக்கோயில் ஆரம்பத்தில் வனமாக இருந்ததாலும் இங்குள்ள ஆஞ்சநேயர்
ஸ்ரீ காட்டு வீரஆஞ்சநேயர் என்ற திருநாமம் பெற்றார்.

மூலவர் ஒரே கற்பாறை மீது செதுக்கப்பட்டவர் என்ற சிறப்பு பெற்றவர்.

🙏கற்பாறையின் எதிர்புறத்தில் இருந்த சிறிய மலைக் குன்றின் மீது வளர்ந்து கொண்டே இருந்த நந்தியின் சிலையும், நாகங்களின் சிலைகளும் செதுக்கப்பட்ட பாறைகளும் இருக்கின்றன

🙏🙏ஸ்ரீ ஆஞ்சனேயர் பெரிய பாறையில் ஒரு மரத்தின் கீழ் வலது பக்கம் திரும்பி நின்றபடி மேல் நோக்கிப்  பார்த்தபடி அற்புதமான காட்சியில் தரிசனம் தருவது கண்கொள்ளாக்காட்சி..

ஸ்ரீ அனுமன் மேநோக்கி பார்த்தபடி நின்றருளும் பகுதியில்  பொன்மலை எனப்படும் சிறிய மலைக் குன்றின் மீது பெருமாள் கோவிலும் உள்ளதால் ஹனுமான் அந்த பெருமாளை துதித்தபடி நின்றுள்ளதாக நம்பிக்கை உண்டு..!

🙏மூலவர் கோயிலுக்கு வலதுபுறம் ஸ்ரீ லட்சுமி நரசிம்மரின்
வண்ணம் தீட்டப்பட்டுள்ளது. அதனையொட்டி ஒரு மாடத்தில்
ஸ்ரீ யோகநரசிம்மர் வீற்றிருக்கிறார். 

🙏கிருஷ்ணகிரி ஸ்ரீ காட்டு வீரஆஞ்சநேயர் கோயிலில் பை கட்டி வழிபட்டால் வேண்டுதல்கள் நிறைவேறும் என திருவண்ணாமலை சித்தர் ஒருவர் கூறியுள்ளதையடுத்து கோயில் பிரபலமானது.
பைகளும் அதிகம் கட்டத் தொடங்கினர்.

🙏ஸ்ரீ காட்டு வீரஆஞ்சநேயர்ஆலயம் ஹரியும் சிவனும் ஒன்றே என்ற தத்துவத்தை உணர்த்தும் தலமாக சிவனின் பிரதிநிதியாக உருண்டைப் பாறை மீது ஆலயத்தை நோக்கியபடி நந்தி இருக்க , விஷ்ணுவின் பிரதிநிதியாக ஸ்ரீ அனுமன் எழுந்தருளியிருப்பது சிறப்பு..! அந்த நந்தியும் வளர்ந்து கொண்டே வருகின்றது. !

ஆகவே இங்கு வந்து  முழு தேங்காயை காணிக்கையாகக் கொடுத்து வேண்டுதல் செய்கிறவர்களுடைய நியாயமான கோரிக்கை வேண்டி பை கட்டினால்   கோரிக்கை நிறைவேறும்.

🙏ஆலயத்தில் மண்டபத்தில் தேங்காய் காணிக்கை
செலுத்தும் வசதி அமைக்கப்பட்டுள்ளது.

அவரவர் வேண்டுகோளுடன் ஆலயத்துக்கு வரும் பக்தர்கள் ஒரு முழு தேங்காயை ஒரு சிவப்பு நிற துணியில் முடித்து வைத்து அதை ஒரு பையில் வைத்து அங்கு குறிப்பிட்டுள்ள இடத்தில் கட்டிவிட்டுச் செல்கிறார்கள்.

அவர்களுடைய பிராத்தனை நிறைவேறியதும் அங்கு வந்து அந்த தேங்காயை எடுத்து அர்ச்சனை செய்துவிட்டு அந்த தேங்காயை பிரசாதமாகப் பெற்றுக் கொண்டு செல்கிறார்கள்.

🙏கோவிலிலேயே அதற்கென அமைந்துள்ள இடத்தில் அனைத்து பொருள்களும் கிடைக்கின்றன. பிரார்த்தனை தேங்காய் பை மீது வேண்டுதலை செய்ய வந்துள்ள பக்தருக்கு தரப்படும் எண்ணை குறிப்பிட்டு வைப்பதால். வேண்டுகோள் நிறைவேறியதும் அங்கு வந்து அவர்கள் கட்டி வைத்துள்ள பையை எளிதில் அடையாளம் கண்டு பிடிக்க முடியும்.

கோவிலில் உள்ள மண்டபத்தில் சிவப்புத் துணியில் கட்டப்பட்டு
நூற்றுக் கணக்கான தேங்காய்களைப்  பார்க்கவே ஆச்சர்யமாக உள்ளது.

🙏பவுர்ணமி மற்றும் அமாவாசை தினங்களில் விசேஷ பூஜைகள் நடைபெறும் அந்த தினங்களில்  வந்து வேண்டிக் கொண்டு தேங்காயைக் கட்டுவதால் வேண்டிய காரியம் நிச்சயமாக நடைபெறுகின்றது என்பது  நம்பிக்கை...

அவ்வாறு வேண்டுதல்கள்  நிறைவேறி பின்பு அந்த பையில் உள்ள தேங்காயை உடைத்து பொங்கல் வைத்து சாப்பிடுகின்றனர்.

பல பக்தர்களின் கோரிக்கை நிறைவேறி உள்ளது
என்பது மறுக்க முடியாத உண்மை ..

🙏சேலம்-பெங்களூர் தேசிய நெடுஞ்சாலையில்
தேவசமுத்திரம் கிராமத்தில் மிகவும் பழமையான, பிரசித்தி பெற்ற
ஸ்ரீகாட்டுவீர ஆஞ்சநேயர் கோயில்  உள்ளது. 
🙏🙏🙏🌸🌸🌸🌸🙏🙏🙏